بصراحة يا جماعة الموضوع دة فعلا شيق ويحتاج المناقشة وكل واحد يشوف اللى بيالمة اكتر لان كل واحد اكيد ليه وجهة نظر مختلفة وعجبنى تعليق سارة جدا على الموضوع بس انا ليا اختلاف بسيط.
بس انا مع رايك فى نقطة جرح الغريب مهما كان مؤلم لكن دايما بنلتمس العزر بانه غريب
ومعاكى كمان فى نقطة جرح الاهل اكـــيد مؤلم جدا ازاى اللى انا جزء منهم يجرحونى
وكمان جرح النفس من اسوء الجروح بس علاجة بيبقى ف ادينا برده بس بقى اختلافى معاكى هنا ان حتى لو جرح النفس اتداوى بيسيب اثرودة مش فى كل الناس بس انا بتكلم بصفة شخصية عنى انا
اما بقى بالنسبة لجرح الصديق فا انا بعتبرة من اسوء الجروح لان لما الواحد يعيش حياتة كلها ويعمل صديق ويبقوا الاتنين واحد مع بعض فى الحلو والوحش فلما بعد العمر والذكريات دى الصديق يجرح صديقة ويكتشف انة مش صديق شوفوا الصدمة وياترى هيعيش قد اللى عاشة تانى علشان يعمل صديق من جديد اكيد بلطبع لا فا انا من وجهة نظرى انة من اشد الجرح على الاطلاق
وبالنسبة لجرح الحبيب انا من راييى ان الزمن بينسى بالزات فى الحاجات دى واكبر دليل لما تلاقى اتنين بيحبوا بعض سنين كتير وربنا يكرمهم ويتجوزا وبعد الجواز بايام او اسابيع الزوج يتوفى على طول بنلاقى الزوجة بعد الاربعين وفى ناس مبتستناش متجوزة واحد تانى والزمن ياما بينسى والذكريات الجميلة اللى كانت بينهم الايام فركتها ما بينها وبقت كان شى لم يكن
.
بصراحة انا استمتعت اووووووى بالموضوع دة ووفى تقدم دائما يارب