°l||l® ™ MR_D&J ™ ®l||l°

::: : : مستر دى جى : : : : أسطورة فى عالم الدى جى: : : :
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 لو الدنيا لعبة snake وانت عمال تخسر....يبقى لازم تغير المستوى يا معلم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lobez



عدد الرسائل : 17
تاريخ التسجيل : 14/03/2008

مُساهمةموضوع: لو الدنيا لعبة snake وانت عمال تخسر....يبقى لازم تغير المستوى يا معلم   الجمعة مارس 14, 2008 8:53 am

لو الدنيا لعبة SNAKE ....
وانت عمال تخسر على طول.. يبقى لازم تغير المستوى يا معلم
المشكلة الكبيرة للناس انها ممكن تكون بتخسر
ومش قادرة تفهم ايه سبب الخسارة بالتالى
ناس بتفضل متمسكة بالامل فى حاجات منتهية ... !!!

تخيل انك عايش حياتك عادى وعمال تخسر وفجأة تظهر رسالة قدامك تقولك :
" كفاية يا كابتن انت بقالك كتير بتخسر ، و أحسن حاجة غير المستوى اللى بتلعب فيه" ..
بجد تبقى حاجة جامدة , أصل المشكلة الكبيرة للناس انها ممكن تكون بتخسر ومش قادرة
تفهم ايه سبب الخسارة بالتالى بتكمل لعب فى الدنيا وبتخسر برضه يبقى لازم يكون فيه مرشد ليك فى الدنيا يحذرك ..

يعنى مثلا لعبة الثعبان بتاعة الموبايلات الـ نوكيا لما تفضل تخسر كتير.. تتوقف اللعبة عند كلمة " LEVEL " يعنى مستوى ، والمقصود انك لازم تغير المستوى عشان بقالك كتير بتخسر وهو ده اللى المفروض يحصل فى الدنيا.. يعنى مثلا
واحد بيموت على واحدة ومعجب بيها وهى منفضاله وعمال يحاول معاها مرة يقعد على باب المدرج لما يعرف انها هتحضر المحاضرة دى ويفضل مستنى يمكن لما تعدى وتدخل المدرج تبصله والبنت تيجى فعلا وتدخل المدرج ولا كأنها شافته والواد يفضل يحاول ويجرى وراها يدور على نمرة تليفونها أو رقم بيتها لغاية ما يعرفه و يروح البيت يستناها تحته يمكن تبص من البلكونة ، فتشوفه قاعد تحت البيت وبرضه مش بتعبره، وبين يوم والتانى البنت تمشى مع واد تانى وهو برضه متعلق بأمل انها هترجعله هنا بقى لازم حد يوقفه عند حده ويقول بصوت عالى " فوق ياكابتن انت عمال تخسر بقالك كتير يا اما تغير المستوى اللى بتلعب عليه أو تغير اللعبة خالص يا اما تروح تقول للبنت بكل شجاعة انك بتحبها أو تنفض لها وتحب واحدة غيرها يا اما انك تفضل تخسر كده على طول فهى دى أكبر غلطة ممكن تغلطها .
مش بس الحياة العاطفية للانسان هى اللى بتتحمل الغلط والخسارة فيه ناس بتفضل متمسكة بالامل فى حاجات منتهية لازم يغيروا كل حاجة حواليهم عشان يرجعوا للدنيا ,

*مثلا واحد بيشتغل شغلانة وأثبت بما لايدع مجالا للشك انه فاشل وجرب مرة واثنين وتلاتة وفشل طب ليه ما يغيرش اللعبة أو يغير المستوى اللى بيلعب فيه؟
أقولك ليه لانه مش عاوز يبان قدام نفسه انه بيخسر مع انه باين قدام الناس كلها بيخسر وهو من جواه عارف انه بيخسر يبقى الحل الوحيد فى الظروف دى ان اللعبة تقوله كفاية "Game over " يا كابتن غير المستوى اللى بتلعب فيه أو غير اللعبة وأكيد الدنيا هتظبط معاك وهتعمل " top score" فى اللعبة..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Without Spirit



عدد الرسائل : 48
العمر : 27
تاريخ التسجيل : 29/02/2008

مُساهمةموضوع: رد: لو الدنيا لعبة snake وانت عمال تخسر....يبقى لازم تغير المستوى يا معلم   الثلاثاء مارس 18, 2008 11:11 am


عاندك حــق والله


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لو الدنيا لعبة snake وانت عمال تخسر....يبقى لازم تغير المستوى يا معلم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» فيلم الرعب الرهيب - Snakes On A Plane - ديفيدى مترجم بحجم 159 ميجا وروابط Direct

صلاحيات هذا المنتدى:لاتستطيع الرد على المواضيع في هذا المنتدى
°l||l® ™ MR_D&J ™ ®l||l° :: منتدى منوعات مستر دى جى :: منتدى فضفضة شباب-
انتقل الى: